Го испрскале со солзавец, му ја искршиле шофершајбната па се обиделе да го нападнат со нож

Вчера околу 21,00 часот било пријавено дека во Виница, на место викано „Бојаџиски бунар“  Г.П.(28) и А.А.(24) двајцата од Виница, извршиле кривично дело „насилство“, на тој начин што првин Г.П. со спреј-солзавец го испрскал Н.В.(27) од Виница, а потоа А.А. се обидел со нож на расклопување да го нападне, информираат од МВР.

А.А. ја скршил шофершајбната и ја оштетил левата страна на возилото на Н.В.

Извршен бил увид на местото на настанот од увидна екипа од Полициската станица Виница.

Се работи на расчистување на случајот.