Гленда Џексон му се враќа на актерството по 23 години во политиката
Познатата британска филмска и театарска актерка Гленда Џексон, му се враќа на актерството по 23 години минати во политиката како пратеник на Лабуристичката партија.
Џексон ќе учествува во радио адаптацијата на новели од францускиот писател Емил Зола. Првата адаптација на неговите новели, под заеднички наслов „Крв, секс и пари“, ќе биде емитувана во ноември годинава на британското Радио 4.
Адаптациите ќе се емитуваат прво секојдневно една недела, а потоа во текот на шестмесечни интервали по две недели.
Гленда Џексон, која сега има 79 години, два пати беше добитник на филмската награда Оскар.
Во 1992 година, таа прв пат беше избрана за лабуристички пратеник во Долниот дом на британскиот Парламент.
Од политиката се повлече во мај оваа година, кога прв пат по 23 години не се кандидираше за пратеник во изборната единица Хампстед и Хајгејт, објаснувајќи дека веќе и е доста од политичката работа.
Од својот прв избор, па до крајот, Џексон остана дел од левичарското крило на партијата, честопати несогласувајќи се со позициите на водството на партијата и со Владата, во 13-те години, додека лабуристите беа на власт.
Ново на Сител
-
Пронајдена експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар