Ѓорческа запрена во полуфиналето на фјучрсот во Истанбул

Македонската тенисерка Лина Ѓорческа е запрена во полуфиналето на фјучрсот во Истанбул (50.000 долари). Таа денеска загуби од Барбора Стефкова од Чешка со 2:0 во сетови (6:3 и 6:3) и со тоа е прекината серија од шест победи на нашата тенисерка на овој турнир.

Силниот ритам и серијата мечеви, како и повредата на зглобот оставија траг во играта на Ѓорческа, која од квалификациите стигна на главниот турнир.

Нашата тенисерка беше алтернатива и за настап во квалификациите на ВТА турнирот во Истанбул што почнува од недела, но поради повредата на зглобот ќе мора да направи пауза.

Стефкова имаше три брејка, а Ѓорческа ниту еден. Во првиот Сетфкова брејк напарви во четвртиот гем кога поведе со 3:1, а во вториот сет Ѓорческа водеше со 3:2 во гемови, но ривалката потоа имаше серија од четири гема (два брејка).

За пласманот во полуфиналето Ѓорческа ќе освои 29 поени кои ќе и бидат впишани следниот понеделник и би требало да се спушти под 300 место на ВТА листата.