Ѓорческа напредуваше уште едно место на ВТА листата

Најдобрата македонска тенисерка Лина Ѓорческа на најновата промена на ВТА листата направи уште еден скок и сега се наоѓа на 276 место (нејзин најдобар ранг). Таа претходната недела не играше но со 161 поен сепак има скок од една позиција.

Ѓорческа и во следниот период (една недела) ќе остане со истите поени, а оваа недела настапува на фјучрс турнирот во Маниса, Турција што се игра за награден фонд од 10.000 долари. Таа е рангирана како прв носител и ќе игра само во поединечна конкуренција. Во првото коло Ѓорческа ќе игра против Стаматиа Фафалиу од Грција.