Ѓорческа го мина првото коло од квалификациите за УС Опен

Најдобро рангираната македонска тенисерка Лига Ѓорческа го мина првото коло од квалификациите за последниот овогодишен  Гренд-слемт турнир на УС Опен.

 

Ѓорческа попладнево по голема борба забележа победа над  Американката Лорен Дејвис која е рангирана на 200-тото место на ВТА листата. 

 

Во мечот кој траеше 2 часа и 15 минути, нашата тенисерка забележа триумф со 2:1 во сетови.

 

Фаворизираната Американка го доби првиот сет во тај-брејк со 7-6, а во вториот Ѓорческа возврати со 7-5. 

 

Во решавачкиот трет сет Лина имаше и водство од 5-0 во гемови, но иако Американката успеа да освои три гема во низа, сепак македонската тенисерка го речи сетот во своја полза со 6-3, за конечни 2:1 во сетови. 

 

Со тоа Ѓорческа конечно во третиот свој обид во Њујорк, успеа да ја мине првата квалификациска рунда на УС Опен. 

 

Во втората рунда Ѓорческа за противничка ќе ја има 17 годишната Австралијка, Дестијне Аијава која е 152-ро рангирана на ВТА листата