Ѓоковиќ не оди во притвор, утре ќе разговара со министерот за имиграција

Новак Ѓоковиќ ја продолжува својата борба за настап на Австралија опен: Адвокатите на Ѓоковиќ подготвуваат жалба на одлуката на министерот за имиграција, во Владата на Австралија, Алекс Хок да му ја укине визата.

Локалните медиуми објавија дека, по одлуката на министерот, Ѓоковиќ нема да оди во имиграциски притвор, туку тој утре, со своите адвокати, ќе има разговор со Хок и неговиот тим во министерството.

Значи додека не биде донесена правна одлука, која ќе стави крај на драмата која трае веќе десет дена, светскиот број 1 нема да биде во притвор.

Австралиските медиуми пренесуваат дека одлуката на министерот, правниот тим на Ѓоковиќ ја добил 20 минути пред таа да биде објавена во јавноста.

Планот на адвокатите, процесот да се одвива по скратена постапка, односно да заврши до недела.