Ѓоковиќ: Можеби веќе нема да се вратам на теренот во Мадрид
Српскиот тенисер Новак Ѓоковиќ навести дека можеби го одиграл својот последен натпревар на Мастерсот во Мадрид, откако во саботата загуби во второто коло од Италијанецот Матео Арналди.
Италијанскиот тенисер го победи четвртиот носител Ѓоковиќ со 6-3, 6-4 и се пласираше во третото коло, нанесувајќи му го на 37-годишниот Србин третиот последователен пораз.
Ѓоковиќ, кој ја брка својата 100. АТП титула, претрпе изненадувачки пораз во финалето во Мајами кон крајот на март, пред да испадне во второто коло на турнирот во Монте Карло претходно овој месец. Сите три порази беа во два сета.
„Очигледно, откако ќе загубите натпревар не се чувствувате добро, но имав неколку такви оваа година кога за жал бев нокаутиран во првата рунда“, рече Ѓоковиќ на прес-конференција во Мадрид.
Ѓоковиќ, кој го имаше своето деби во Мадрид во 2006 година и го освои турнирот во 2011, 2016 и 2019 година, последен пат победи на земјена подлога кога триумфираше над Карлос Алкараз во финалето на Олимписките игри во Париз 2024.
Одговарајќи на новинарско прашање дали го одиграл својот последен натпревар во Мадрид, Ѓоковиќ рече: „Можно е. Можеби да. Не сум сигурен дали ќе се вратам. Значи, не знам, не знам што да кажам. Мислам дека ќе се вратам, можеби не како играч. Се надевам дека нема, но може да се случи.“, изјави Ѓоковиќ.
Ново на Сител
-
ЕУ планира да замрзне дел од средствата за Украина додека не завршат реформите
-
Муцунски: Генерален конзулат во Корча - затоа што грижата за Македонците во Албанија се мери со дела
-
Од 1 септември нови мерки најавува Вучиќ „за луѓето, особено за средната класа и посиромашни“
-
Донесен законот со кој учениците од верските училишта ќе можат да полагаат државна матура и да се запишуваат на универзитетите
-
Шест полицајци повредени во Нови Пазар во судир меѓу граѓани и полиција пред зградата на Државниот универзитет
-
ОН: Во Газа влегува само половина од потребната помош, стотици илјади луѓе гладуваат
-
УЈП: Загрижувачка состојба во исполнување на ДДВ обврските
-
Со запален факел од хартија и текстил запалил греди на натстрешница - Истрага за пожар во Струмица