Гитарата на Џон Ленон, долго сметана за загубена, продадена на аукција за 2,4 милиона долари

 Акустичната гитара на Џон Ленон, која долго време била сметана за загубена, продадена е на аукција во Беверли Хилс за 2,41 милиона долари, пренесоа светските агенции.

Наддавањето беше организирано од аукциската куќа „Џулианс“.

Првичната цена на гитарата, која Ленон ја загубил за време на концертот во Лондон во декември 1963 година, беше 300 000 долари.

Гитарата неодамна беше пронајдена во Њујорк. Аукциската куќа посочува дека не знае под какви околности гитарата била најдена. Станува збор за моделот „Гибсон J-160E“.

Познато е дека Ленон ја користел гитарата за компонирањето на некои славни парчиња на „Битлси“, како „Love me do“, „She loves you“, „Please Please me“, „I want to hold your hand“.