Гевгелија ќе добие нов урбан градски сквер
Советот на општина Гевгелија по повеќегодишна постапка денеска го донесе деталниот урбанистички план за централното градско подрачје со кој се деблокира урбанистичкиот развој на центарот на Гевгелија и неговото урбано уредување.
Овој значаен урбанистички документ, кој подеднакво долго го очекуваа и општината и граѓаните беше донесен откако локалната самоуправа доби согласност од страна на Министерството за транспорт и врски.
Гевгелискиот градоначалник Сашо Поцков го поздрави донесувањето на ДУП за центарот на градот како најприоритетен урбанистички документ за кој, како што истакна, се залагал уште од преземањето на неговата функција пред две години.
– Сега конечно создадовме услови за уредување на централното градско подрачје, а во тие рамки и за уредување на урбан градски сквер на местото на стариот пазар. Истовремено се овозможува реализација на бројни проекти од заинтересирани граѓани и од правни субјекти за реконструкција на своите деловни објекти или за изградба на нови, рече Поцков.
На тој начин, посочи, од комуналниот надомест ќе се соберат доволно средства за комунално уредување на станбените населби Караорман и Мрзенски рид каде од порано на граѓаните им беа издадени одобренија за градба и наплатени комуналии, а тие до денеска се уште не се обезбедени.
Ново на Сител
-
Директорката Иљази им забрани на вработените да даваат изјави за медиумите
-
Безживотно тело на маж извлечено од водите на Вардар во центарот на Скопје
-
Земјоделци од селата Иловица и Штука го блокираа патот заради ниските откупни цени на младиот компир
-
Намален бројот на превезени патници во патниот сообраќај во првиот квартал
-
Денеска и утре нестабилно со пороен дожд
-
Почина 32-годишник, излетал од патот со автомобил
-
Општина Карпош демантира дека издала одобрение за забавниот парк кај „Борис Трајковски“
-
ССМ: Синдикална минимална кошница за мај 60.090 денари