Германски компании бараат укинување на санкциите кон Русија

Истражување спроведено од Германско-руската трговска комора покажува дека за 60 отсто од компаниите бо Гермнаија што соработуваат со Русија, економските санкции се контрапродуктивни, објави весникот „Билд“.

Како што јави дописникот на МИА од Берлин, дополнителни 21 отсто од 800-те компании членки на Германско-руската трговска комора бараат санкциите да бидат олеснети.

Влошените економски односи меѓу Русија и Германија поради санкциите воведени од ЕУ и САД во 2014 година по руската анексија на украинскиот полуостровот Крим, предизвикаа штети во износ од милијарди евра за двете страни.

Германскиот вицеканцелар и министер за економија Зигмар Габриел денеска во Москва преговара за укинување на санкциите под услов Русија да влијае на прекинот на конфликтот во источна Украина.