Германската полиција трага по поранешни членови на РАФ
Германската полиција денеска објави видео снимки на кои се прикажани тројца поранешни членови на германската левичарска екстремистичка организација Фракција на Црвената Армија (РАФ), како извршуваат вооружен грабеж во северниот дел на Германија.
РАФ, која е формирана во 1970 година и дејствуваше во Западна Германија во седумдесетите и осумдесетите години на минатиот век, е одговорна за 34 убиства и грабежи на 31 банка .
На 20 април 1998 година, организацијата официјално објави дека се самораспушта.
Тројцата поранешни членови на РАФ - двајца мажи и една жена, на возраст меѓу 43 и 63 години, се кријат од германските власти повеќе од 25 години. Поради тоа, германската полиција апелираше до граѓаните да помогнат во потрагата.
Од 2011 година тие се осомничени за грабежи, при кои се украдени над 370.000 евра.
На новото видео од безбедносни камери, се прикажани двајца мажи со маски на лицата, како влегуваат во супермаркет во Долна Саксонија и вперуваат пиштоли кон еден од вработените, а потоа насилно го затвораат во една од просториите. На другото видео се забележува како мажите се качуваат во автобус со ранци на грбот.
Ново на Сител
-
Советот на ЕУ ја утврди листата на кандидати за членови на Европската комисија
-
Благотворноста на свежото сирење
-
Одредени четвртфиналните пресметки во Дејвис купот
-
Македонската репрезентација 72-ра на септемвриската ранг-листа на ФИФА
-
„Делта ерлајнс“ ги прекинува летовите САД-Израел до крајот на 2024 година поради ескалација на тензиите
-
Започнува судењето во Кривичен за двојното убиство на малолетната Вања Ѓорчевска и велешанецот Панче Жежовски
-
Вучиќ за Политико: Брисел знае која страна го блокира дијалогот, но тоа нема јавно да го каже
-
Израел изврши серија напади врз Либан