Германија вети милиони за производство на вакцини во Африка
Германскиот министер за економска соработка и развој Герд Милер вети 20 милиони евра за Институтот Пастер во Сенегал што ќе се искористи за производство на вакцини против Ковид-19, јави ДПА.
Средствата ќе бидат обезбедени до април 2022 година, додаде министерот синоќа за време на неговата посета на Дакар, на крајот од неговата петдневна турнеја по континентот.
Сумата има за цел да даде поттик за производството на вакцини „за Африка во Африка”, нагласи тој, изразувајќи надеж дека и другите европски земји ќе го следат примерот на Берлин.
Здравствената служба на Африканската унија очекува континентот да почне со производство на сопствени вакцини до крајот на годината, а Институтот Пастер е една од водечките лаборатории.
Африка се бори со третиот бран на коронавирус, со 5,1 милиони заразени и 136.000 смртни случаи. Досега, само еден процент од 1,3 милијарди жители на континентот се целосно вакцинирани против вирусот.
Ново на Сител
-
Перински: Системски пристап при насочувањето на буџетските средства кон регионите и општините
-
Најмалку 48 загинаа додека чекаа ред за помош во Газа, стравувањата од масовно гладување растат
-
ДЗР: Отсуство на интегриран систем и слабости во контролите во Фондот за здравствено осигурување
-
Приведени две лица на Табановце – едното за шверц на дрога, другото за фалсификувана возачка дозвола
-
Борбен авион Ф-35 се урна во САД
-
Пораст на процентот на туристи од Франција, Германија и Велика Британија, најбројни и натаму туристите од Турција
-
Кажала: „Да“, после 43 запросувања во седум години
-
Николоски: Пет нови авиолинии од скопскиот аеродром до Стокхолм, Мадрид, Бари, Келн и Прага
