Германија и Франција бараат заштитен механизам за безвизниот режим со Турција
Берлин и Париз работат на план кој што предвидува Европската Унија да може да го суспендира договорот за безвизен режим за турските граѓани во членките на унијата, јави дописникот на МИА од германската престолнина.
Според мартовскиот договор меѓу Брисел и Анкара во замена за турската поддршка при спречување на бегалците да дојдат во Европа , Турција ќе добие безвизен режим за патување во ЕУ.
Според предлогот кој го подготвуаат Франција и Германија трендовите на миграција и потенцијалот на бегалската криза бараат постоење на ефикасен механизам кој што може да ја суспендира визната либерализација за Турција.
Според договорот од март во замена на турските напори да ги спречат бегалците од Сирија да дојдат во ЕУ, Анкара ќе добие шест милијарди евра финансиска помош, визна либерализација и забрзување на преговорите за влез во Унијата. Во преговорите за остварување на планот ЕУ инсистира дека нема да дозволи нарушување на европските правила при визната либерализација без разлика на потребата од решавање на бегалската криза. Вкупно Турција мора да исполни 72 европски правила пред да ја добие ветената визна либерализација.
Заштитниот механизам кој што сега го предлагаат Париз и Берлин се должи на стравот дека Турција нема да може да ги исполни барањата на ЕУ. Можноста за суспендирање на визната либерализација за Турција допрва треба да биде разгледувана во Европскиот парламент каде што треба да се усвои целиот пакет со Турција. Мартовскиот договор со Турција иако донесе резултати и го намали бројот на илегален влез на бегалците во Европа беше критикуван од голем дел од јавноста во неколку европски членки, пред се проади лошото досие на Турција во поглед на почитувањето на човековите права.
Ново на Сител
-
САД ќе продолжат да се ангажираат за прашања од заеднички интерес
-
Може ли за неколку месеци да се стане АИ експерт? | Growth Labs Academy | Sitel Podcast 050
-
Полицијата презема мерки за пронаоѓање шест лица - работници од Непал
-
Избувна пожар во светиниколско: Изгоре штала, две грла добиток, млин, сточна храна
-
Во Струмица oбид за киднапирање на тригодишно дете, полицијата испитува дали се работи за кривично дело
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи
-
Путин очекува Орбан да зборува од името на Европа за Украина
-
НАТО на самитот во Вашингтон ќе бара стандардизација на артилериската муниција