Германија ги отфрли обвинувањата од Полска

 

 

Германската Влада ги отфрли барањата на официјална Варшава и одби да преземе какви било чекори во врска со маската на карневалот во Дизелдорф која што според полската влада била навредлива, јави дописникот на МИА од Берлин.

 

Полскиот министер за надворешни работи Витолд Вашиковски вчера изјави дека маската на која во Дизелдроф лидерот на владејачката партија „Правда и Право“ Јарослав Качински е прикажан како гази женска фигура (Полска) која што крвари е непочитување на Полјаците и полските политичари.

 

Портпаролот на германската влада Штефан Зајберт денеска во Берлин изјави дека во Германија „постои слобода на изразување и слобода на уметноста“ и рече дека е „далеку од умот“ германската Влада да ги санкционира авторите на спорната карневалска маска.