Гази Баба потпиша договор за изградба на резервоар и водоводна мрежа во Раштак

Општина Гази Баба потпиша договор со компанијата „Енергомонт“ за изградба на нов резервоар и на дел од водоводната мрежа за водоснабдување во населеното место Раштак.

Општината информира дека со овој проект ќе се реши водоснабдувањето и во високата зона на Раштак и ќе се обезбеди водоснабдување со соодветен притисок до секое домаќинство.

Проектот за изградба на водоводната мрежа чини 7.638.440 денари обезбедени од ИПА програмата за рурална инфраструктура процесирана од Канцеларијата на Светска банка за подобрување на општинските услуги.