„Газета експрес“: Постигнат договор за демаркација на границата меѓу Косово и Црна Гора
Премиерите на Косово и на Црна Гора, Рамуш Харадинај и Душко Марковиќ постигнаа договор околу демаркацијата на границата меѓу двете земји, тврди приштинскиот весник „Газета експрес“.
Повикувајќи се на извори од Кабинетот на Марковиќ, онлајн изданието на весникот наведува дека за време на средбите на црногорскиот премиер во Приштина со косовскиот државен врв, бил „изнајден заеднички јазик за прашањето на границата“.
Весникот екслузивно дознава дека Приштина и Подгорица се согласиле во наредните денови да започнат интензивна комуникација од која ќе произлезе решение.
- Двете високи делегации се согласија да имаат интензивна комуникација следните денови на сите нивоа и да видат каде се направени евентуални грешки. Потоа ќе биде отворен патот за ратификација на новиот договор по итна постапка. Се ќе биде завршено до крајот на месецов, наведува весникот.
Ратификацијата на договорот за обележување на косовско-црногрската граница е услов за добивање визна либерализација за Косово.
Постоечкиот Договор го ратификуваше црногорскиот Парлмент, но не и косовскиот, поради противење на дел од партиите, кои тврдат дека Косово со него губи дел од своја територија во полза на Црна Гора.
Црногорските високи функцонери, меѓу кои и Марковиќ, претходно изјавуваа дека за Подгорица демаркацијата на границата е завршена работа.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација