„Гардијан“: Зголемен бројот на исламофобни напади после Крајстчрч
Бројот на дела мотивирани од омраза кон муслиманите се зголеми за дури 593 отсто во Велика Британија, во седмицата во која 50 лица беа убиени во напад во две џамии на Нов Зеланд, објави „Гардијан“.
Хуманитарната група „Тел Мама” соопшти дека речиси сите напади на некој начин биле поврзани со случајот во Крајстчрч и дека имало повеќе инциденти против муслиманите во изминатите седум дена отколку во неделата по терористичкиот напад во Манчестер во 2017 година.
Во оваа хуманитарна група, од 15 март, денот на нападот на Нов Зеланд,до 21 март на полноќ, биле пријавени 95 инциденти, од кои 89 проценти содржеле директни референци, вербално или со гест, на напади во Нов Зеланд.
Во изминатите седум дена, муслиманите во Оксфорд, Саутемптон и Колиндејл, во северниот дел на Лондон, пријавиле дека луѓе им приоѓале преправајќи се дека носат оружје и имитирале пукањето со рацете.
Во Колиндејл и Оксфорд, една жена со деца и една со муслиманска шамија на главата пријавиле дека им пристапиле луѓе имитирајќи звук на оружје.
Во одделни случаи во Лондон биле забележани вербални инциденти како што се „мора да бидете убиени”, „ заслуживте” и „муслиманите мора да умрат”.
Инциденти биле пријавени во Шкотска, каде што била нападната џамија, како и во Стенвел во Сари, каде еден тинејџер е прободен во рака од страна на екстремистички десничар.
Групата „Тел мама” обично прима околу 30 до 35 пријави за инциденти неделно. Во неделата пред нападот во Крајстчрч, биле пријавени 16 инциденти.
Ново на Сител
-
Соопштение до јавноста oд македонската страна на Заедничката мултидисциплинарна експертска комисија за историски и образовни прашања
-
Министерство за здравство: Не постои илегална вакцинација, опозициската партија шири лажни вести
-
Најмалку 30 загинати и 17 повредени при експлозија на камион-цистерна за гориво во Нигерија
-
Арсовски: Никој не знае дали и колку вакцини се стигнати во државава и кој се ги добил
-
СДСМ: Ништо не ги колеба ВМРО-ДПМНЕ да шират лажни вести, нема илегална вакцинација, нема ниту шверц на лекови
-
Приведен 46-годишен маж од Прилеп поради обљуба на малолетничка
-
СП Ракомет: Червар ја „погреши“ тактиката против Аргентина
-
ФА куп: Саутемптон за гол подобар од Арсенал