Габриел: САД се заинтересирани за обединета Европа
Германскиот министер за надворешни работи Зигмар Габриел изјави дека е поспокоен по неговата минатонеделна посета на Вашингтон, бидејќи од американските претставници добил уверување оти САД се заинтересирани за опстојување на обединета Европа.
- И потпретседателот (Мајк) Пенс и мојот колега (Рекс) Толерсон во разговорите јасно ми доставија до знаење дека се заинтересирани за обединета Европа и дека го поддржуваат трансатланското партнерство во НАТО, изјави синоќа Зигмар за германската телевизија АРД.
Зигмар потенцира дека различните изјави кои доаѓаа од претставници на новата американска Администрација биле прични за вознемираност во Европа, но дека сега по средбите во Вашингтон тој е многу по спокоен кога е во прашање американско-европското партнерство.
Пред преземањето на дожноста, новиот американски претседател Доналд Трамп изјавуваше дека НАТО е „надмината институција“, како и дека и други членки на ЕУ треба да го следат примерот на Велика Британија и да ја напуштата Унијата.
Во меѓу време, Белата куќа соопшти дека Трамп имал телефонски разговор со генералниот секретар на Алијансата, Јенс Столтенберг, при што е договорено американскиот претседател во мај да се сретне со сојузниците од НАТО.
Трамп изразил „силна поддршка за НАТО“, но и ги повикал европските членки да инвестираат повеќе во Алијансата.
Според Белата куќа, Трамп прифатил да учествува на средбата на лидерите на НАТО, што ќе се одржи кон крајот на мај.
Ново на Сител
-
Клековски: На болничко лекување остануваат уште тројца од повредените во пожарот во дискотеката „Пулс“
-
Притворен уште еден осомничен од групата против која се води истрага за злосторничко здружување, даночна измама, даночно затајување и перење пари
-
Обвинение за насилството на фудбалски натпревар во Штип – татко физички нападнал малолетни играчи
-
Подметнат пожар на локалитетот Мушов Гроб
-
МВР на Србија: Во писмо за министерот Дачиќ пронајдени три куршуми
-
Мицкоски: Имаме над 27 проценти повеќе откупени земјоделски производи споредено со истиот период лани
-
Шеснаесет пливачи и пливачки ќе учествуваат на 38. Охридски пливачки маратон
-
Калас: Путин се потсмева на мировните напори за Украина