Футсал репрезентацијата на гости во Шпанија

Најдобрата македонска футсал репрезентација денеска го има првиот собир во пресрет на двата контролни натпревари против Шпанија на гостински терен.

Двете пресметки против повеќекратниот Европски и Светски шампион ќе се одиграат на 19. и 20. октомври во Касерес. Репрезентацијата на Македонија предводена од селекторот Васко Скендеровски во Скопје тренира денеска и утре, а в недела патува за Шпанија. Скендеровски ги повика следните фудбалери за двата натпревари против Шпанија:

 

Голмани: Илчо Удовалиев (КМФ Железарец), Антонио Петровски (КМФ Железарец);

 

Одбрана: Зоран Левски (КМФ Железарец), Ферид Агуши (КМФ Железарец), Таулант Исмаили (КМФ Железарец);

 

Напад: Орхан Ибиши (КМФ Јувентус), Иван Крстевски (КМФ Железарец), Адријан Мицевски (КМФ Железарец), Мартин Тодоровски (КМФ Железарец), Дарко Ранготов (КМФ Железарец), Мартин Мехмединовиќ (КМФ Црна Река), Игор Леовски (КМФ Железарец);