ФСБ: Околу 2.000 руски екстремисти би можеле да се вратат во Русија од Блиски Исток

Руската Федерална служба за безбедност (ФСБ) идентификува 2.000 руски државјани кои се роднини на екстремистички борци на Блиски Исток.

Според ФСБ тие би можеле да се вратат во Русија и да претставуваат закана по безбедноста на земјата.

Директорот на ФСБ, Александар Бортников изјави дека таквите луѓе се обидуваат да пристигнат во Русија откако преку хуманитарните коридори ќе заминат од зоните на конфликт на Блиски Исток.