Француската Влада поднесе оставка
Француската Влада на премиерот Бернар Казнев вечерва поднесе оставка, која беше прифатена од актуелниот претседател Франсоа Оланд, јави дописникот на МИА од Париз.
Оставката на социјалистичката Влада е логична и вообичаена според француската политичка традиција, откако Уставниот совет официјално ги соопшти резултатите од претседателските избори одржани на 7 мај, на кои за претседател беше избран Емануел Макрон.
Оланд му се заблагодари на премиерот Бернар Казенев, кој ја извршуваше оваа функција од пред шест месеци.
- Сакам да ја поздравам активностите што ги презедовте од пред околу шест месеци како премиер и сакам исто така да ја потенцирам вашата лична улога што ја имавте во одлуките кои ги носевте во текот на петгодишниот мандат, посебно за да се гарантира безбедноста на земјата, оцени Оланд.
Владата на Казнев ќе ги извршува тековните задачи и обврски се до назначувањето на нова влада од страна на новоизбраниот претседател, највериојатно уште в недела, кога ја презема функцијата или најдоцна в понеделник.
Засега името на идниот премиер, како и составот на новата влада, Макрон ги чува во тајност.
Ново на Сител
-
САД ќе продолжат да се ангажираат за прашања од заеднички интерес
-
Може ли за неколку месеци да се стане АИ експерт? | Growth Labs Academy | Sitel Podcast 050
-
Полицијата презема мерки за пронаоѓање шест лица - работници од Непал
-
Избувна пожар во светиниколско: Изгоре штала, две грла добиток, млин, сточна храна
-
Во Струмица oбид за киднапирање на тригодишно дете, полицијата испитува дали се работи за кривично дело
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи
-
Путин очекува Орбан да зборува од името на Европа за Украина
-
НАТО на самитот во Вашингтон ќе бара стандардизација на артилериската муниција