Франција ќе продолжи да ги поддржува земјите од Балканот во справувањето со миграциската криза
Францускиот претседател Франсоа Оланд, кој зборуваше пред ПССЕ, одговарајќи на прашањата на пратениците, нагласи дека Франција и ЕУ ќе продолжат да ги поддржуваат земјите од Балканот во справувањето со миграциската криза, јавува дописникот на МИА од Стразбур.
Францускиот претседател ова го рече, како одговор на прашањето на македонскиот пратеник Александар Николоски, кој во името на групата на Народните партии го праша Франсоа Оланд, дали Европската Унија има друго решение за кризата со бегалците, ако сегашните понудени решенија не успеат. Притоа Николоски потсети дека Македонија се наоѓа на патот на мигрантите.
Според Оланд, земјите членки на Европската Унија треба да ги заштитат своите надворешни граници и дека таа работи на нивната заштита и со земјите кои не се членки на Унијата. Тој притоа инистираше на спроведувањето на договорот постигнат со Турција.
- Ние гледаме што се случува и на другите патишта со мигрантите. Знам и свесен сум дека Балканот е прв погоден и затоа беа донесени унилатерлани мерки. Но ние му помагаме и ќе му помагаме на Балканот не само во ефективната контрола на границите, туку и со друга помош за справување со кризата, истакна Оланд.
Претходно, францускиот претседател ја повтори определбата да ја растури „џунглата“ од Кале, каде околу 10.000 мигранти чекаат да преминат во Велика Британија и да прими околу 30.000 беглаци или мигранти, како што беше предвидено со европскиот договор за прераспределба.
Ново на Сител
-
Ханије: Подготвени сме за сеопфатен договор, во согласност со планот на САД
-
ЦУК: Тешки бетонски блокови пред паѓање висат од тераса спроти Владата
-
Руските безбедносни сили упаднале во притворниот центар и ги убиле затворениците кои држеа двајца чувари како заложници
-
Сиљановска-Давкова: Војната во Украина не е украински, туку европски и светски проблем
-
Талибанците ќе испратат делегација на претстојниот состанок во Доха за Авганистан
-
66-годишен велосипедист тешко повреден во сообраќајка во Илинден
-
Курбан Бајрам одбележуваат припадниците на муслиманската вероисповед
-
Во Владата истакнат премиерски портрет на Џафери