Франција 2017: ИХФ со казна од 500 франци за РФМ

Македонската ракометна федерација (РФМ) е парично казнета од ИХФ (Светската ракометна федерација) со 500 швајцарски франци. Причината за казната е поради „ненумеричко излегување на терен“ пред претставувањето на играчите и за време на интонирањето на националните химни.

Ракометарите не излегле на теренот според бројот на дресовите што е кршење на правилата на ИХФ.  РФМ мораше да плати парична казна и за време на последното Европско Првенство во Полска, поради кршење на правилото во кое е пропишано сите ракометари да играат со чорапи во иста боја.