Фон дер Лајен: ЕУ добива две милијарди вакцини
Европската унија ќе добие околу две милијарди дози вакцини против коронавирусот, соопшти денеска претседателката на Европската комисија Урсула фон дер Лајен.
За време на видеоконференцијата со австрискиот канцелар Себастијан Курц, таа рече дека тоа значи оти со таа количина ќе можат да се вакцинираат 700 милиони луѓе и додаде дека тоа подразбира и граѓани од Западен Балкан и Африка.
Австрија, додаде таа, ќе добие два проценти од вкупниот број вакцини нарачани од ЕУ.
– Тоа е повеќе од она што на Австрија најверојатно ќе и треба, рече Фон дер Лајен.
Курц и се заблагодари на Фон дер Лајен за нејзината посветеност во кризата со коронавирусот.
– Зачудувачки е колку брзо и добро се одвива овој процес. Вакцината ќе ја промени ситуацијата, нагласи тој.
Фон дер Лајен рече дека првите вакцинации најверојатно ќе можат да почнат во декември.
Курц изрази надеж дека првата група граѓани во Австрија ќе ја примат вакцината во јануари, потсетувајќи дека тоа ќе биде медицински персонал, негуватели и стари лица, како и ризични групи.
Ново на Сител
-
Шаќири најплатен фудбалер во американската МЛС лига
-
Санкционирани 202 возачи за брзо возење, од нив 104 во населено место
-
Девет милиони смртни случаи во 2019 година поради загадување
-
Столтенберг ги поздрави апликациите за членство во НАТО на Финска и Шведска
-
СЗО стравува од избивање колера во Украина, се подготвуваат вакцини
-
Српски медиуми: Синиша Мали со најголеми шанси за премиер на Србија
-
Онлајн часови во 70 белградски училишта поради дојави за бомби
-
ДУИ: Рекордно покачување на платите од 15% за наставниците