Филипче: Разочаран сум, вчерашниот протест за жал беше полн со навреди и закани

Во однос на вчерашниот протест против новите мерки кој се одржа пред Собранието, министерот за здравство Венко Филипче денеска посочи дека никој никого не присилува на вакцинација.

„Во однос на протестот, мора да кажам дека сум разочаран поради тоа што не слушнавме никаква реторика или порака во однос на вакцините. За жал тоа беше протест кој што беше полн со навреди, закани за здравствените работници, тие кои што ги ризикуваа и нивните животи и животите на нивните семејства“, порача Филипче.