Филипче на форум во Подгорица потпиша писмо за намери за важноста на имунизацијата
На дводневниот министерски форум на земјите од Југоисточна Европа во Подгорица, на кој учествува министерот за здравство Венко Филипче, денеска беше потпишано писмо за намери со кое се потенцира важноста на имунизацијата, како приоритет на земјите-членки од ЈИЕ и претставува значајна здравствена, социјална и економска вредност.
Од Министерството за здравство соопштија, дека писмото за намери го потпишале 12 земји-членки од ЈИЕ, меѓу кои Македонија, Бугарија, Хрватска, Малта, Босна, Србија и други, каде се потенцира дека процесот на имунизација е интегрален дел од добриот и функционален здравствен систем и е во согласност со Акцискиот план за вакцини во Европа 2015-2020, како и Програмата на СЗО 2020.
Согласно Акцискиот план, се вели во соопштението, приоритетни области во кои ќе се делува со повеќе предлог-активности, кои ќе бидат насочени кон набавка на квалитетни вакцини, ефикасна контрола врз процесот на имунизација, пристапност до вакцините, посебно за мигранти и малцинства и континуирана промоција на бенефитите од вакцинацијата.
Во рамки на фoрумот, министерот Филипче, вчера, оствари работни средби со д-р Сузана Јакаб, регионален директор на СЗО за Европа, како и со министерот за здравство на Црна Гора, Кенан Храповиќ.
Ново на Сител
-
На сеопфатни дискусии ќе се бара решение за законите за Судски совет и за Јавно обвинителство, дебатите почнуваат од следниот месец
-
Поведена постапка и предложен притвор за учесниците во тепачката со пукање во Чаир
-
Филков: Почнавме реформи со кои е поставена основата за длабоки и влијателни промени во судството
-
УХМР: Во петок и сабота локален дожд и пониски температури
-
Митинг на Трамп се претвори во концерт, Камала Харис го доведе во прашање неговото ментално здравје
-
Силен земјотрес го погоди источниот дел на Турција
-
Ограничено движење кај Студенчишкиот канал во Охрид поради вежбовните активности на МВР
-
Почина генерал Мајкл Џексон, првиот командант на КФОР и потписник на Кумановскиот договор