Филипче ќе го разреши и Илиевски од потпретседател на СДСМ, Спасовски останува координатор

Оливер Спасовски останува да ја води пратеничката група на СДСМ во Парламентот. Оставката која ја поднел помеѓу двата изборни круга и по поднесената Резолуција за црвени линии во Парламентот  не е прифатена, и тој остануваа координатор, потврди партискиот лидер Филипче. 

До крајот на следната недела СДСМ ќе добие двајца нови потпретседатели. По оставката на професорката Ана Чупеска, на централниот одбор ќе биде разрешен и потпретседателот Методија Илиевски. Едно од новите имиња ќе биде докторот Александар Трајановски кој беше кандидат и за градоначалник на Аеродром, а за другото име консултаците се уште траеле. 

Кадровски смени веќе има и во владејачката ВМРО ДПМНЕ. Претседателот Мицкоски досега разреши двајца претседатели на општински ораганизации, а измени се најавуваат и по партискиот конгрес на 6ти декември. 

Декември ќе биде одлучувачки и во редовите на албанските партии. ВРЕДИ го крои планот како да ги подели министерските позиции во владината реконструкција, но се ќе биде познато по конресот на ВМРО ДПМНЕ.  

Своите редови ќе ги „освежува“ и ДУИ. По бројните турбуленции во албанската опозиција со заминувањето на Тачи и Села, Ахмети најави партиски конгрес на 20 декември како клучен за дефинирање на правецот во кој ќе се движат.