Филаделфија го зеде Тобајас Харис и продолжува да гради силен тим

Филаделфија продолжи со граењето на многу силен тим, откако вчера го привлече Тобајас Харис, а притоа не мораше да се откаже од ништо важно. Во размената со Клиперс, заедно со одличниот Харис во 76-ерс пристигнаа Бобан Марјановиќ и Мајк Скот, а во спротивна насока отиде Вилсон Чендлер, Мајк Мускало и Ландри Шамет и два избора од првиот круг на Драфтот во 2020 и 2021 година.

Со доаѓањето на Харис, акциите на Филаделфија на Истокот растат, но останува да се види како во текот на летото ќе се преговара за неговиот договор и за оној на Џими Батлер.

Харис оваа сезона во просек уфрла по 20,7 поени и беше прво име на Клиперс.

Неоќеска тргуваа и Лејкерс, но не со Пеликанс, откако преговорите за Ентони Дејвис засега се стопирани. Тие направија договор со Детроит Пистонс откако го зедоа Реџи Булок, кој во просек уфрла по 12 поени по натпревар оваа сезона, а се откажа од Свјатослав Михаилук од Украина и избор во вториот круг од Драфтот.