Фич: Курсот на денарот и банкарскиот сектор остануваат стабилни
Курсот на денарот е стабилен, а нивото на девизни резерви е адекватно за понатамошно успешно спроведување на стратегијата на стабилен девизен курс на денарот во однос на еврото. Показателите за банкарскиот сектор, исто така ја потврдуваат неговата здравост и стабилност. Ова се заклучоците за монетарниот дел во извештајот на агенцијата за кредитен рејтинг Фич, во кој го потврдува кредитниот рејтинг на земјава на ББ+ со стабилен изглед.
Во извештајот се наведува дека курсот на домашната валута останува стабилен и се нотира заложбата и капацитетот на Народната банка за задржување на оваа стратегија и во следниот период. Нивото на девизните резерви е оценето како соодветно, со 4,5 милијарди евра во август годинава, при што во однос на надворешниот сектор како позитивна карактеристика се констатира и значајната улога на странските директни инвестиции во финансирањето на дефицитот на тековната сметка.
Агенцијата за кредитен рејтинг Фич констатира дека банкарскиот сектор е стабилен, односно добро капитализиран и ликвиден. Според Агенцијата, воведувањето на макропрудентните мерки во 2023 година доведе до понатамошно зајакнување на отпорноста на банкарскиот сектор и до извесна стабилизација на растот на станбените кредити на околу 10%, како и на одредено олабавување на растот на цените на недвижнините. Зголемувањето на противцикличниот заштитен слој на капиталот придонесе кон унапредување на отпорноста на банкарскиот сектор.
Ново на Сител
-
Владата за одлуката на ДКСК за патувањето на синот на премиерот во САД: Очекувана и разумна одлука
-
Уставниот суд донесе одлука за укинување на „балансерот“
-
ДКСК: Не утврдивме користење на буџетски средства за приватни цели за патувањето на синот на премиерот во НАТО Самитот во САД
-
Пронајдени мигранти во Гевгелија, приведен криумчар
-
Ристовски за првите 100 дена: Почнавме санација на спортската инфраструктура, обезбедивме финансиска поддршка за спортистите
-
Амбасадор на САД: Проектот Јадар за литиум е добар проект за Србија
-
Тројцата обвинети за минатогодишниот напад во Бањска во северно Косово се изјаснија за невини
-
Орбан: ЕУ мора да се промени, целта на унгарското претседателство е да биде гласот на промените