-->
-->
Фергусон: Ливерпул може до прва титула во ПЛ
-->
Сер Алекс Фергусон, најуспешниот менаџер во историјата на Манчестер Јунајтед и еден од најуспешните тренери во фудбалската историја, оцени дека Ливерпул е еден од најсериозни кандидати за освојување на титулата во Премиерлигата со што еден од најтрофејните англиски клубови ќе може за првпат да триумфира во Англија откако е формирана Премиер лигата во 1992 година со одлука на клубовите од тогашната Прва фудбалска дивизија.
Ливерпул титула чека уште од сезоната 1989/90, најблиску до прекинување на долгогодишниот пост „црвените“ беа во сезоната 2013/2014, но тогаш титулата ја загубија во последните две кола.
Тековното првенство повоторно ги оживеа шампионските амбиции на тимот од „Енфилд“, кој по девет кола ја дели првата позиција заедно со Арсенал и Манчестер Сити.
„Ливерпул во последните две децении менуваше менаџери, а не го градеше својот идентитет. Сега може да се почувствува дека оваа сезона морате да ги вброите во најсериозните кандидати за титулата“, изјавил Фергусон за германски „Кикер“.
Ливерпул, првата сезона под водство на Јирген Клоп ја заврши на осмата позиција на табелата и загуби две финалиња од Манчестер Сити (Лига куп) и Севилја (Лига Европа).
Сезонава, во првите девет кола, Ливерпул одигра четири натпревари со директните конкуренти и не загуби натпревари. Тимот на Клоп, во Лондон ги победи Арсенал и Челзи, а одигра нерешено со Тотенхем и Манчестер Јунајтед.
Во наредното коло Ливерпул ќе му гостува на Кристал Палас.
-->
-->
-->
Ново на Сител
-
Осумдесетгодишник од Теарце со изгореници заврши во болница откако му се запали домот
-
Сиљановска-Давкова утре ќе го почне претседателскиот мандат со свечена изјава во Собранието
-
Честитка до Мицкоски од МД „Илинден" и Македонците во Албанија, за двојната победа на изборите
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот
-
Српско МВР: Се утврдуваат фактите и околностите под кои во полицијата починал Д.Д. осомничен за случајот со Данка И.