Фени Индустри пак во БИБЛ

Кошаркарската екипа на Фени Индустри од Кавадарци ќе биде четвртиот македонски тим која оваа сезона ќе настапува во регионалното натпреварување – БИБЛ лигата.

Гевгелиски Кожув ќе го продолжи настапот, Куманово се враќа во оваа лига, а Карпош Соколи ќе биде дебитант.

Кавадарчани се враќаат по четири сезони отсуство, а трикратниот шампион на Македонија е единствениот кој ја има освоено шампионската титула во БИБЛ лигата. Фени Индустри беше најуспешен тим во 2011 година, а има и три настапи во полуфиналето (2009, 2010 и 2012).