Фејсбук суспендираше мрежа руски профили поврзани со военото разузнавање
Фејсбук денеска соопшти дека ја суспендирал мрежата налози, користени од руската воена разузнавачка служба.
Фејсбук тврди дека внатрешна истрага открила дека лицата кои стојат зад откриените лажни профили, навидум меѓусебно неповрзани и некоординирани, припаѓаат на руските воени разузнавачки структури.
Руското Министерство за одбрана засега не ја коментираше одлуката на Фејсбук.
Раководителот на секторот за кибер безбедност во Фејсбук Натаниел Глајчер изјави дека во најновата руска операција на Фејсбук и Инстаграм користени се повеќе од 100 лажни профили на лажни новинари во различни земји. Од тие лажни налози контактирани се локални медиуми и политички личности со цел да се пласираат измислени детали или приказни за спорни политички прашања како наводна корупција, етнички тензии на Крим или за падот на малезискиот авион во Украина во 2014 година.
Глајчер вели дека Фејсбук одамна знаел за корисници кои преку контакт со вистински луѓе се обидувале да протурнат и наметнат „негативно влијание и да ги остварат своите намери“.
Компанијата „Графика“, која се занимава со истражување и анализа на социјалните медиуми, ги прегледала спорните налози пред да ги суспендира фејсбук и соопшти дека биле најактивни во 2016 и 2017 година, иако некои профили биле активни и годинава.
Фејсбук соопшти дека суспендира уште две групи профили, од кои една поврзана со претходно идентификувана иранска мрежа која ги таргетира САД, а другата со една пи ар агенција во Виетнам.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп