Фаучи: Се движиме во погрешна насока, Ковид-19 ги напаѓа невакцинираните
Се движиме во погрешна насока, изјави водечкиот американски епидемиолог Ентони Фаучи и изрази загриженост бидејќи САД непотребно се најдоа во ситуација кога бројот на нови случаи на заразени со Ковид-19 се зголемува поради невакцинираните Американци и ширење на многу заразниот Делта сој.
Фаучи потврди дека владините службеници „активно ја разгледуваат“ препораката вакцинираните лица да носат заштитни маски и лицата со намален имунитет да бидат повторно вакцинирани.
Главниот медицински советник на претседателот Џо Бајден потврди за Си-Ен-Ен дека учествувал во разговори за промена на упатствата за заштитни маски и нагласи дека некои локални самоуправи во кои се зголемува стапката на инфекција, како што е Лос Анџелес, веќе апелираат до граѓаните да носат маски во затворени јавни простори, без оглед дали се вакцинирани.
Според американскиот Центар за контрола и превенција на болести, повеќе од 163 милиони Американци, или 49 проценти од вкупната популација на САД, се целосно вакцинирани.
– Оваа ситуација (со зголемување на бројот на новозаразени) главно се одразува на невакцинираните, па затоа бараме тие да дојдат и да се вакцинираат, рече Фаучи.
Ново на Сител
-
Мицкоски: Ова е триумф на народот, Македонија не избра партија туку вредност и насока
-
Филипче: СДСМ победи во три општини во првиот круг, граѓаните помасовно да излезат во вториот круг
-
Во Струга во втор круг одат независниот кандидат Ќира и кандидатот на НАИ Далипи, во Вевчани победи Спасе Кочовски од ВМРО-ДПМНЕ
-
Османи му ја честита победата на Меџити и му посака успех во водењето на Чаир
-
Ѓорѓиевски води во Скопје, Герасимовски во Центар, а Меџити во Чаир
-
ВРЕДИ прогласи победа во Чаир, Сарај, Боговиње, Теарце, Желино и Арачиново
-
Коњановски: Апсолутна победа на ВМРО - ДПМНЕ во Битола
-
Тодорче Николовски прогласи победа во прв круг во Кратово