Фатени на дело две лица кои краделе гориво од вагони во Трубарево

На 28.12.2021 во 16.10 часот полициски службеници од Полициската станица Гази Баба во кругот на РЖ Товарна – Трубарево, ги затекнале Б.К.(58) и Н.А.(46), двајцата од Скопје, при вршење на кривично дело „тешка кражба”, соопшти полицијата.

Двајцата краделе гориво од вагоните, при што имале украдено околу 300 литри гориво. Тие биле лишени од слобода, а украденото гориво било вратено на оштетената фирма. По целосно документирање на случајот, ќе следи соодветна кривична пријава, додаваат од МВР.