-->
-->
Ф-1: Ботас победи на премиерата во Австрија
-->

Возачот на Мерцедес, Валтери Ботас ја искористи пол-позицијата за да стигне до победа на првата трка од новата сезона во Формула 1, Австриското ГП во Шпилберг, во која само 11 болиди ја завршија трката, а шампионот Луис Хамилтон го загуби местото на подиумот поради казна добиена за предизвикување судир.
Ботас, кој во саботата изненади со пол-позицијата, беше вистински предизвикан во текот на целата трка, додека зад него се „редеа“ инциденти и излетувања. Шарл Леклер освои „почесен“ подиум за Ферари по ужасните квалификации, додека последното место на подиумот отиде кај Лендо Норис од Мекларен, откако Хамилтон заработи 5-секундна казна за судирот во дуелот со Александер Албон од Ред бул.
За Ред бул на патеката која го носи нивното име, ова беше катастрофална трка – откако Макс Ферстапен стартуваше како втор (поради дополнителната казна која ја доби Хамилтон), имаше проблеми со болидот и мораше да се откаже, а потоа следуваше и дуелот Хамилтон-Албон во финишот на трката, кога Албон беше блиску до поминување на шампионот, пред да се удри во него.
На крајот, четвртото место му припадна на Хамилтон, Карлос Саинс во вториот Мекларен беше петти, Серхио Перез, кој беше казнет поради пребрзо возење во боксот, заврши како шести за Рејсинг поинт.
-->
-->
-->
Ново на Сител
-

Хаџи Василева останува предметен обвинител во случајот со судијата Ристов - најавува и поактивно обвинителство
-

Тема на денот со Искра Хаџи Василева, шефица на ОЈО ГОКК
-

Девет полицајци кривично ќе одговараат за непостапување за смртта на Росица Коцева од Велес
-

На новороденче на Гинекологија му отсекле дел од прст при вадење на инфузија
-

Осум месеци затвор за палењето на дипломатските возила
-

Раководител на технолошка компанија во Грција бил мета на терористичката ќелија
-

Нови меѓусебни обвинувања за Алта Банка
-

„Избриши го видеото или сите ќе умреме уште вечерва“ - Бугарскиот јутјубер Цанов објави нови пораки од Михаилова
