Евросонг 2017: Црна Гора, Албанија и Словенија без финале
На синоќешната прва полуфинале вечер од Песна на Евровизија 2017 во Киев, Украина, настапија претставници на 19 земји, а финале изборија најдобрите 10.
Молдавија, Азербејџан, Грција, Шведска, Португалија, Полска, Ерменија, Австралија, Кипар и Белгија се првите финалисти кои обезбедија влез во финалето во сабота на 13 мај.
Без финале останаа Грузија, Албанија, Црна Гора, Финска, Исланд, Чешка, Словенија, и Летонија. Право на глас имаа публиката и членовите на жири комисијата од земјите учеснички, како и директните финалисти од Италија, Велика Британија и Шпанија.
На Евросонг оваа година учествуваат 42 земји.
Македонската претставничка Јана Бурческа со песната „Dance alone“ ќе настапи трета по ред на втората полуфинална вечер. Второто полуфинале е закажно за утре, а финалето ќе се одржи в сабота, 13. мај.
На втората полуфинална вечер право на глас повторно ќе имаат публиката и жири комисијата од земјите учеснички на второто полуфинале, како и директните финалисти од Германија, Укриана и Франција. Меѓу учесниците пак, се вбројуваат: Македонија, Австрија, Србија, Малта, Романија, Холандија, Унгарија, Данска, Ирска, Сан Марино, Хрватска, Норвешка, Швајцарија, Белорусија, Бугарија, Литванија, Естонија и Израел.
Русија требаше да настапува трета во второто полуфинале, но го откажа своето присуство на манифестацијата поради тоа што украинските власти ѝ забранија влез во земјата на руската претставничка, а Русите одбија таа да настапува преку сателитски видео пренос.
Португалија и Романија се вратија по отсуството во 2016 година. Босна и Херцеговина, пак, се повлече од годинешното натпреварување поради финансиски проблеми.
Ново на Сител
-
Обвинение за мотоциклистот кој усмрти пешак на пешачка патека и побегна
-
Приведен возач од струшко, управувал возило со 176 км на час каде дозволената брзина е 80 км на час
-
Кривична пријава за криумчарење пиротехника - запленети и цигари и фалсификувана стока | ФОТО
-
Приведено лице затекнато како потпалува ѓубриште и сува трева во близина на штала со добиток
-
Кривични пријави против две лица за неовластено поседување огнено оружје и муниција | ФОТО
-
Висината на цунамито во Северо-Курилск достигна пет метри
-
Владата чека оставка од обвинителот Коцевски
-
Чешкиот „Блек хок“ се очекува да полета кон планината Готен, пристигнаа и словенечките пожарникари