Европскиот првак Бородин ги пропушта ОИ поради коронавирус

Европскиот првак во дисциплината 400 метри мешано, рускиот пливач Иља Бородин (18), ќе ги пропушти Олимписките игри (ОИ) во Токио поради позитивен тест на коронавирус.

Европскиот првак бил позитивен на тестирањето во тренинг кампот во Владивосток спроти заминување за Токио.

Во соопштението се додава дека сите други пливачи и тренерскиот персонал се негативни на коронавирус.

Бородин на Европското првенство минатата година во Будимпешта го освои златниот медал во трката на 400 метри мешано со време од 4:10:02 што е светски јуниорски и нов национален рекорд.