Евробаскет: Чешка ја изненади Хрватска

Кошаркарите на Чешка го направија првото изненадување во осминафиналето на ЕП откако денеска во Лил ја победија Хрватска со 80:59. Со исклучок на првите минути кога беше нерешено до 9:9, потоа Чешка имаше водство во текот на целиот тек на натпреварот. Во 29.минута прсдноста беше и 30 поени (63:33).

Предводени од тандемот Јан Весели и Томаш Саторански кои имаа дабл-дабл учинок Чесите се изборија за четвртфинале што е нивни најдобар учинок на ЕП.

Весели имаше 20 поени и 13 скокови, а Саторански 10 поени и 11 асистенции и 5 скокови. Двоцифрени беа уште: Бенда 11 поени, Јелинек 13, Шилб 12, а Велш имаше 9 асистенции.

Кај Хрватска стартерот Томиќ остана без поени, а „коцкастите“ имаа вкупно 24 грешки.

Чешка во четвртфиналето ќе игра со победникот од дуелот Србија - Финска (пренос СИТЕЛ 3 14:30 часот).

Вечерва играа уште: Изреал - Италија и Литванија - Грузија.