Евакуиран дворот на музејот Лувр, Макрон таму сакал да ја прослави победата
Од безбедносни причини денеска е евакуиран дворот на музејот Лувр, каде центристичкиот кандидат на претседателските избори Емануел Макрон планира да ја прослави својата победа, јави Танјуг.
Ова попладнево го соопшти прес службата што се грижи за претседателската кампања на Макрон.
Портпаролката на кампањата, Полин Калмес, изјави дека шеталиштето пред Лувр, во центарот на Париз, превентивно е евакуирано.
Таа не наведе конкретно каква опасност постои, но рече дека полицијата ја наложила евакуацијата.
Макрон оваа локација ја избрал за место на прославата на изборната победа, наведуваат американските медиуми.
Агенциите потсетуваат дека Лувр веќе се наоѓа под високи безбедносни мерки, откако екстремистите нападнаа војници во близина на музејот, во текот изборната кампања.
Денеска во Франција се оддржува вториот круг од претседателските избори, а анкетите покажуваат дека Макрон е во водство во однос на неговата противкандидатка Марин ле Пен.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО