Евакуиран дворот на музејот Лувр, Макрон таму сакал да ја прослави победата
Од безбедносни причини денеска е евакуиран дворот на музејот Лувр, каде центристичкиот кандидат на претседателските избори Емануел Макрон планира да ја прослави својата победа, јави Танјуг.
Ова попладнево го соопшти прес службата што се грижи за претседателската кампања на Макрон.
Портпаролката на кампањата, Полин Калмес, изјави дека шеталиштето пред Лувр, во центарот на Париз, превентивно е евакуирано.
Таа не наведе конкретно каква опасност постои, но рече дека полицијата ја наложила евакуацијата.
Макрон оваа локација ја избрал за место на прославата на изборната победа, наведуваат американските медиуми.
Агенциите потсетуваат дека Лувр веќе се наоѓа под високи безбедносни мерки, откако екстремистите нападнаа војници во близина на музејот, во текот изборната кампања.
Денеска во Франција се оддржува вториот круг од претседателските избори, а анкетите покажуваат дека Макрон е во водство во однос на неговата противкандидатка Марин ле Пен.
Ново на Сител
-
Средба на Заев со новиот грчки амбасадор Кундурос: Поддршка од Грција во евроинтеграциите
-
Белград: Крадец убил маж откако ја ограбил неговата куќа - го давел со перница па го заклал
-
Во Скопје велосипедист удрил во пешак и побегнал, пешакот со тешки повреди пренесен на клиника
-
Тешка сообраќајка во Скопје, повреден 26-годишен моторциклист
-
МОН: УНИЦЕФ со поддршка за реформите
-
Приведена косовска државјанка која незаконски престојувала во Македонија
-
Д-р Пановски: Мерките не треба да се олабават, да издржиме уште два месеци
-
Мутафчиев: Не го негираме правото на Македонците да се нарекуваат Македонци