ЕУЛЕКС нуди 82.000 евра за информација за убиството на цариник

ЕУЛЕКС денеска понуди награда од 82.000 евра за информација која би довела до убиецот на нивниот царинарник Аудриус Шеневичиус, убиен од заседа на денешен ден пред три години.

Претставници на ЕУЛЕКС денеска побараа помош од локалната заедница за расветлување на убиството на Шеневичиус во северниот дел на Косово.

Шеневичиус е убиен на 19 септември 2013 година по вооружениот напад врз две возила на ЕУЛЕКС кои се движеле кон преминот Јариње.