ЕУ сè уште не одлучила дали постепено ќе го воведе новиот систем за контрола на надворешните граници
Европска Унија сè уште не одлучила дали ќе продолжи со етапното воведување на новиот систем за пасошка контрола на надворешните граници, изјави денеска портпаролот на Европската комисија.
Тој истакна, дека на последниот состанок на Советот за внатрешни работи на ЕУ во Луксембург, што се одржи пред еден месец, било утврдено дека е невозможно да се воведе системот. ЕК не добила навремени известувања од сите земји на ЕУ дека се подготвени да работат со системот, како што предвидува законодавството.
Портпаролот на ЕК не прецизираше дали се неопходни законски измени за постепено воведување на новиот систем, ниту во која временска рамка може да се очекува отстранување на досегашните пречки. Пред еден месец Германија, Франција и Холандија не соопштија дека се подготвени за имплементација на системот.
Новиот систем предвидува во иднина проверките на пасошите да се вршат целосно автоматски. На овој начин сите што патуваат низ надворешните граници ќе бидат проверени со споредување на биометриските податоци.
Ново на Сител
-
Пожар во стан во Прилеп
-
Приведени пет скопјани и кумановец откако кај нив била пронајдена дрога
-
На ГП „Табановце“ и „Богородица“ се чека околу 20 минути
-
25-годишник возел со 2.04 промили алкохол во крвта и удрил во паркирано возило
-
Како се избира нов папа и што всушност е конклава?
-
Лидерите на институциите на ЕУ изрази жалење за смртта на папата Франциск
-
Папата Франциск сакаше поедноставена процедура за погреб
-
Примирјето заврши, експлозии во неколку градови во Украина