ЕУ обезбедува помош по поплавите во Германија и Франција и е подготвена да ја поддржи Јапонија по земјотресот
Европската комисија соопшти дека обезбедува помош за справување со штетите по поројниот дожд во Германија во регионите на Долна Саксонија и Тирингија, како и во Па-де-Кале во Франција.
Во овие области има поплави и излеани реки, а двете земји побараа помош во рамките на механизмот за цивилна заштита на ЕУ, наведува Комисијата.
Според механизмот, Франција испрати во Германија 39 службеници за цивилна заштита со 16 возила. Во Франција е испратена помош од Холандија, Чешка и Словачка, се додава во соопштението.
Помош во случај на дополнителни потреби понудија и Австрија, Унгарија, Шведска, Словенија и Словачка.
Комисијата денеска ја објави и заедничката изјава на високиот претставник на ЕУ за надворешна политика и безбедност, Жозеп Борел и европскиот комесар за управување со кризи, Јанез Ленарчиќ, по повод земјотресот во Јапонија.
Двајцата изразија сочувство за жртвите од природната катастрофа, како и за жртвите од авионската несреќа во Токио.
„ЕУ целосно сочувствува со јапонскиот народ и е подготвена да им понуди секаква неопходна поддршка на властите во овој тежок момент“, се вели во соопштението.
Ново на Сител
-
Поплави во Унгарија, Будимпешта под вода
-
Најмалку 13 цивили загинаа во израелски воздушен напад врз училиште во Газа
-
Специјална акција на грчката полиција во ромска населба во Атина, уапсени 12 лица
-
Следните два дена сончево, во вторник и среда дожд и грмежи
-
Николоски во Будимпешта ги презентираше капиталните инфраструктурни проекти пред министрите за транспорт на земјите од ЕУ
-
Одбележани 80 години од загинувањето на 17 тетовски партизани во мавровското село Беличица и стрелањето на двајца во Тетово
-
Израелски претставник пред Советот за безбедност на ОН: Израел ќе се брани
-
Три лица, меѓу кои и едно дете, загинаа во руски ракетен напад во Криви Рих