ЕУ на четири месеци ги укинува санкциите против Лукашенко и 170 Бероруси

ЕУ денеска ќе ги укине санкциите за околу 170 Белоруси, вклучувајќи го и белорускиот претседател Александар Лукашенко, а одлуката важи четири месеци или до 29 февруари 2016 година, информираа тројца дипломатски претставници на Унијата.

Оваа одлука ќе биде објавена во Службениот гласник на ЕУ на 30 октомври, а ќе стапи во сила на 31 октомври, пренесоа британските медиуми.

Одлуката следи откако Лукашенко во август помилува шестмина политички затвореници, како и заради отсуството од нови репресивни политички мерки по претседателските избори на кои Лукашенко го освоио својот петти мандат.