ЕУ ја зајакнува безбедносната соработка
Европската унија денеска усвои одлука за формирање на штабови за планирање на мисии и операции во рамките на Заедничката безбедносна и одбранбена политика, изјави денеска високата претставничка за надворешна политика и безбедност на ЕУ Федерика Могерини.
Могерини, која преседаваше на состанокот на министрите за одбрана и надворешни работи на ЕУ, истакна дека одлуката е донесена едногласно и оти испратила јасна порака за подобра соработка.
- Ние постојано напредуваме кон зајакнување на одбранбената соработка и ќе продолжиме да работиме уште повеќе. Станува збор за заштитата на нашите граѓани. ЕУ располага со инструменти што можат да им помогнат на Европејците да преземат поголема одговорност за сопствената безбедност, да работат повеќе и поефикасно, истакна Могерини по состанокот.
Мерките вклучуваат воспоставување на штабови за воено планирање и спроведување во внатрешноста на постоечките воени структури во Европските служби за надворешна политика, што ќе ги командаат не-воените мисии во Унијата.
ЕУ во моментов има три мисии за воена обука во Сомалија, Централна Африка и во Мали.
Могерини нагласи дека оваа одлука е огромен чекор напред за ЕУ по повеќедецениските несогласувања за тоа каква воена улога треба да има.
Ново на Сител
-
Јавното обвинителство поднесе пријава за поткуп во Велес за две лица
-
Поставен штанд на партија во Шуто Оризари, расфрлани летоци во Чаир, агитирање...
-
ОДИХР со над 300 набљудувачи на гласачките места низ земјава, заклучоците ќе ги соопшти утре
-
До 11 часот во Прилеп гласале 18,09 за претседателските, 18,19 за парламентарни
-
Излезност до 11 часот во Тетово, 7,04 отсто за претседателски, за парламентарни 10,81
-
Кавадарци со 16,10 отсто излезност до 11 часот
-
Прегазена жена на регионалниот пат Струмица - Валандово
-
Излезноста до 11 часот за претседателски избори е 12,87% , за парламентарни 13,69