ЕУ и Азербејџан го засилуваат дијалогот за испораката на гас
ЕУ и Азербејџан го засилуваат дијалогот за да ги зголемат испораките на гас за Унијата, изјави денеска еврокомесарката за енергетика Кадри Симсон по разговорите во Баку со азербејџанскиот претседател Илхам Алиев.
„Билатерална средба со азербејџанскиот претседател Илхам Алиев. Зајакнување на дијалогот за зголемување на снабдувањето со гас и соработката во областа на обновливите извори на енергија и транзицијата кон чиста енергија“, напиша таа на Твитер.
Според неа, разговорите во Баку биле „добра можност да се разговара за партнерството на земјите и начините за напредок во енергетскиот сектор. Исто така, би сакала да му се заблагодарам на Азербејџан за неговите напори да ги зголеми испораките на гас за ЕУ преку Јужниот гасен коридор. Азербејџан направи чекор напред, потврдувајќи ја својата сигурност и одличното партнерство“, додаде таа.
Кадри Симсон беше во две последователни посети на Азербејџан и на САД за да разговара за дополнителните испораки на гас за ЕУ. Минатата недела Европската комисија соопшти дека ги засилила напорите за проширување на испораките на течен природен гас со земјите партнери поради страв од прекин на руските испораки во Европа. ЕУ стравува дека оваа опција е можна со евентуално воведување нови санкции против Русија, кои Брисел ги подготвува во случај на војна во Украина.
Ново на Сител
-
Почина момчето кое беше киднапирано и принудено да се самозапали
-
Нови признанија на вина во случајот „Синџир“
-
Одбраната на Мерко - застареност на кривичното гонење
-
Фрчкоски сам ќе се повлече од амбасадорската функција, со документи ги негира обвинувањата од МНР
-
И Грците не планираат, но не исклучуваат средба Мицотакис - Мицкоски на НАТО самитот во Вашингтон
-
Струмичанецот каснат од пајак “Црна вдовица” закрепнува на Токсикологија
-
Кумановец едвај се спаси, со часови тонел во жива кал крај Пчиња
-
За некористените и скапи акцелератори, Таравари ќе побара помош и од обвинителство