Ерупција на вулканот Питон де ла Фурнез во Индискиот океан
Вулканот Питон де ла Фурнез, кој се наоѓа на францускиот остров Реунион во Индискиот океан, повторно од изутринава е во ерупција, првпат оваа година, јави дописникот на МИА.
Според вулканската опсерваторија на Реунион, ерупцијата е во централниот кратер на вулканот во калдерата, во една сосема ненаселена област. Вулканот не претставува опасност за луѓето и имотот.
Според Aлин Пелтие, директорка на Вулканолошката опсерваторија на Питон де ла Фурнез, „најмалку две еруптивни пукнатини и десетина фонтани на лава се наоѓаат на височината на вулканот, на источното крило на вулканскиот масив“.
Вулканот се наоѓа во југоисточниот дел на Реунион. Питон де ла Фурнез е еден од најактивните вулкани во светот. Тој имаше околу петнаесет ерупции во текот на последните десет години, вклучувајќи и четири пати во 2018 година. При секој еруптивен феномен, десетици илјади луѓе одат во близина на масивот надевајќи се дека ќе ја видат лавата и ерупцијата.
Ново на Сител
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето