Ердоган: Сами ќе се браниме, ако не сакаат да ни помогнат
Доколку не добие помош, Турција сама ќе дејствува за да ги одбие нападите на Исламска држава врз градот Килис, во близина на сириската граница, изјави турскиот претседател Реџеп Тајип Ердоган.
- Ќе ја совладаме ИД. Ќе го решиме тоа прашање сами доколку не добиеме помош за да ги спречиме ракетите да го погодуваат Килис, рече Ердоган.
- Тропавме на врати, барајќи создавање зона на безбедност на нашата јужна граница, но никој не сакаше да го преземе тој чекор. Доколку не се договориме за одлучна акција против терористичките организации, светот повеќе нема да биде безбедно место, нагласи турскиот претседател.
Килис со месеци е изложен на ракетни напади од подрачјето, кое е под контрола на ИД во Сирија, при што животот го загубиле 21 лице, а неколку згради се уништени.
Силите на меѓународната коалиција, предводена од САД и Турција, одговорија со воздушни напади и ликвидираа десетици припадници на ИД. Турските власти меѓутоа нагласуваат дека им е потребна поголема помош во заштитата на границата.
Ново на Сител
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје
-
Остин: Нема индиции дека Хамас планира напад врз американски војници во Појасот Газа
-
„Цитроен“ удрил во електричен тротинет, повредени двајца малолетници