Ердоган ќе ги отвори вратите за мигрантите доколку не добие поддршка од ЕУ
Турција ќе биде приморана да ги отвори вратите кон Европа за сириските бегалци доколку Европската Унија не ѝ овозможи доволна поддршка, изјави турскиот претседател Реџеп Таип Ердоган. Тој додаде дека Турција не може сама да го поднесе тој товар.
Турција сака да воспостави „безбедносна зона“ на североистокот на Сирија, каде вели дека до два милиони сириски бегалци може да се доселат, откако регионот се „исчисти од курдската милиција“. Анкара во повеќе наврати ја повикуваше ЕУ да ѝ помогне на Турција во прифаќањето на повеќе од 3,5 милиони бегалци, пренесува „Ројтерс“.
– Без разлика дали ќе добиеме поддршка или не, продолжуваме да им помагаме на гостите на кои сме им домаќини. Но, ако во тоа не успееме, тогаш ќе мораме да ги отвориме вратите – рече Ердоган на конференцијата за новинарите заедно со унгарскиот премиер Виктор Орбан во Будимпешта.
Ново на Сител
-
Гордана Силјановска Давкова положи заклетва во Парламентот и ја презеде функцијата претседател
-
Ни Северна, ниту Република: Силјановска се заколна во Македонија - стигнаа реакциите
-
Борисов: Мицкоски ми е добар пријател, го повикувам да престане да зборува, изборите поминаа
-
Дали градинките не треба да примаат родители на завршните приредби поради голема кашлица?
-
Македонските водичи бараат поголеми контроли од инспекторите
-
Националната мрежа на земјоделци бара системски решенија за македонскиот аграр
-
Дел од туристите пребирливи во своите барања на одмор
-
Преглед на вестите од светот