Ердоган ја одобри новата влада, предводена од Јилдирим
Турскиот претседател Реџеп Таип Ердоган го одобри денеска составот на новата влада, формирана од неговиот сојузник Бинали Јилдирим.
Јилдирим, кој беше избран и за претседателот на владејачката Партија на правдата и развојот му ја предаде на Ердоган претходно листата со новиот состав на владата, јави турската државна телевизија ТРТ.
По одобрувањето на составот Јилдирим официјално ја презема премирската функција, а подоцна денеска тој прв пат во улога на премиер ќе говори пред пратениците од својата партија.
Ердоган ќе претседава утре со првата седница на новата влада, соопштија извори од неговиот кабинет неколку минути, откако беше објавен составот на новиот кабинет.
Министерот за надворешни работи Мевљут Чавушоглу ја задржува функцијата и во новиот состав.
Јомер Челик, портпарол на владејачката Партија на правдата и развојот станува министер за европски прашања, заменувајќи го на функцијата Волкан Бозкер, дипломат од кариера, кој преговараше за спогодбата меѓу Турција и ЕУ за решавање на мигрантската криза, потпишана на 18 март.
Нихат Зајбекчи се враќа на функцијата министер за економија, Наџи Агбал ја задржува челната позиција во Министерството за финансии, зетот на Ердоган Берат Албајрак останува министер за енергетика, Ефкан Ала за внатрешни работи, Мехмет Шимшек за вицепремиер одговорен за економија, а Нуретин Џаникли, Нуман Куртумлуш, Тугрул Туркеш стануваат вицепремиери.
На 22 мај Јилдирим беше избран за претседател на партијата и истиот ден Ердоган му даде мандат да ја состави 65. влада на Турција. Премиерот треба новиот состав да го достави до Парламентот и да ја објави својата програма. Потоа Меџлисот треба да гласа за доверба на владата.
Ново на Сител
-
Николовски: Компресорската станица работи без прекин, клиниките можат да кажат зошто не работат хируршките сали
-
Најмногу слободни работни места во секторот Административни и помошни услужни дејности
-
Мицевски очекува да има двотретинско мнозинство за законските измени за реорганизација на министерствата
-
ГИК: СНС во Белград освои 52 отсо гласови, според ЦЕСИД и ИПСОС во Ниш го нема мнозинството
-
ЈП Комунална хигиена –Скопје за еден месец подигна 1800 кубни метри смет од диви депонии
-
Во 2023 година намален бројот на склучени, а зголемен на разведени бракови
-
Горивата поевтинуваат за половина денар по литар
-
Не помина ниту третиот кандидат за претседател на Уставниот суд